اهديك قلب ما كذب يوم يغليك
يضخ حبك والغلا في وريده
كل ما ذكرتك فز قلبي يناديك
وعجزت لا اكتب فيك جمله مفيده
لا جيت ابكتب فيك شيء يساويك
احتارت في كل المعاني الفريدة
ما شوف في عيني حروف تحليك
وماعاد باقي حرف لاجلك اعيده
حكمتني حكم الملك للمماليك
وعرش الفكر زكاك واصبحت سيده
ساكن بقلبي بالغلا بعقد تمليك
وكيفك تعمر فيه والا تبيده
وانا راضي انكان قلبي سكن فيك
عيشت رضى ولا قصور جديده
يافز قلبي حين يطرون طاريك
فزة سجين احكموا فك قيده
عيني تبي شوفك وقلبي يناديك
وبنك الغلا يزيد لك في رصيده
[/size]
موضوع: قصيدة حب 
الثلاثاء يونيو 22, 2010 5:36 pm