عدد الرسائل : 362 الاوسمة : الدولة : تاريخ التسجيل : 29/10/2007
موضوع: بسمة أمل الإثنين فبراير 11, 2008 6:19 pm
][][§¤°^°¤§][][بسمة أمل][][§¤°^°¤§][][
جفا و عناد رحلتي ويا الهوى ما لقيت إلا البعاد و لا عرفت إلا النوى ضاعت الخطوات خلف الانتظار و ضاقت بعين اللي يحبك هـ القفار يا مسا الوحشة وش اللي جابرك تبقى معي روح و اتركني مع هذا النهار ودي أعاتب شمسه و ذيك الغيوم و أشرح اللي صار لي ويا النجوم كيف كنت أرقب خيالك و انتظر منّك قدوم
***
آه يا كثر الأماني و آه يا قسوة زماني أضحكي مرة فـ وجهي يا سنيني يكفي اللي منك جاني ويش جاني ؟! السهر خلف الوعود و انتظار إنك تعود و جوّي الهادي غدا غيم و بروق و رعود و النسيم الدافي أصبح إعصار ما يعرف ركود
مدري متى ؟؟ أقدر أقول إن الشتا غير الربيع و إن الأمل مهما بعد لا ما يضيع
و إن المسافات البعيدة تنطوي مثل الورق و ينتهي هذا العذاب و يختفي كل الأرق و نضحك فـ وجه السنين و نلقى الفرح فيـهــا نطق .. مدري متى ؟؟
***
قولي لهم يا روح روحي و الهنا يا حلم عمري يا ( ... ) يا غاليه قولي لهم إنك مهمة فـ دنيتي و إني أنا عندك مهم قولي لهم إن الهوى ما بيننا أكبر من إنه ينحكى و ما يفضحه قلبٍ شكى و لا يهزمه طرفٍ بكى قولي لهم ..
قولي لهم .. إني أحبك حب ما يعرف حدود و إني فـ غيابك انتظر عسى الزمن مرة يجود و أحظى بقربك يا هواي و أسهر معك و أنسى عناي و أبذل لجل أرضيك أنا كلّ الجهود قولي لهم .. ***
يا غايتي وش رأيك نسافر مع القمرا فـ ليل ؟ و نقصّر الدرب الطويل ببسمة أمل تشفي الصدر العليـــــل .. و نرسم على وجه الزمن أحلى الحروف و نبدأ مع بعض بخطى ما تعترف بوجود خوف
***
حبيبتي ألقى فـ عيونك راحتي و أستشعر الضحكات في عز الألم و أحث خطوات القلم لو يوم ثغرك ابتسم يا طفلتي
حبيبتي أمنية قلبٍ يحبك .. يحضنك في جو هادي يجلس معك .. يحكي لك اللي صار فيـه و يسمعك و يترك النبضات في صمته تقول : و الله أحبك يا ( ... ) يا أغلى من روحي أنا هيّا أرجعي و كوني معي خلّي حسودٍ ما تمنى لي الهنا يشوفنا إنتي و أنا نضحك .. نسولف .. نبتهج نخلّي مكانٍ به نكون ينقلب بعد السكون إلى جنونٍ فـي جنون و نعلّم العشاق معنى العشق و أنواع الفنون و نرقص على أنغام القلوب الذايبة شوق و حنين و بعد طول الانتظار فـي ليــل ما يعرف نهار تصبح اللقيا يقين و نقول بأعلى صوتنا حان الهنا و غاب الأنيـــــــــــــــــــــــــن اللي قهر صمت السنين و صرنا سوا إنتي و أنا يا غايتي يا دنيتي و حبيبتي أحلى ( ... ) ***
موضوع: بسمة أمل 
الإثنين فبراير 11, 2008 6:19 pm
DIALLO