مايفضح الي يحب

ما يفضح اللي يحب إلا آخر اللحظات
لا مد كفه بالوداع وصد بعيونه

معاه رايات الأسى وجيش من العبرات
وبين الحنايا صهيل خيول محزونه

سلام يا للي ناوي الفرقا عدد ما فات
وتعداد ما مر السحاب وهلت مزونه

سلام من قلب سكنته أنت والحسرات
غلاي تكفا يا مودع ناظري صونه

ارحل.. وأنا برحل معي هم وتعب وسكات
وأسرار مابيني وبين الروح مدفونة

ارحل مدام الله كتبلك يا لحبيب شتات
مالي على حكم القدر راي ولا مونه

مالي بعدك إلا الصبر ومجاذب الونات
وقصيدي اللي كل خلق الله يغنونه

وان طالت الغيبة أبنعي الحب لو ما مات
عسى الهوى بك يشتعل وتردك ظنونه

و بحاول أنسى ولو يصيح الشوق بي هيهات
و بحاول أسلى ولو يصيح القلب ما أخونــــــــــه.

مشكوووور اخوي نواف على القصيدة الرائعه
من جد حلوة

صح السانك من جد حلوووووووووووووووووووووووووووووا مرررررررررررررررررررررراكلامك مرره اثر فيا اتمنى لك التوفيق والا الامام

صدقني
لامن ترجيتة ما خاب

وتحياتي لك